Tjetër aksident i rëndë në rrugën Pogradec – Korçë

Pas vdekjes së dy të moshuarve që u aksidentuan në rrugën Korçë – Pogradec, një tjetër ngjarje ka ndodhur në këtë rrugë. Sipas policisë një person ka mbetur i plagosur pasi është përplasur nga një makinë. Të njëjta burime saktësojnë se drejtuesi i mjetit tip “Audi” Fiordi Miminllari ka marrë para një 75 vjeçar, i cili ishte në këmbë në anë të rrugës. I moshuari është dërguar menjëherë në Spitalin rajonal të Pogradecit, ndërsa mësohet se ndodhet në gjendje të rëndë shëndetësore. /abcnews.al