Gazetarja e vetme që intervistoi një përfaqësues të talebanëve është larguar nga vendi, për shkak të frikës.
Beheshta Arghan, e Tolo News, i vetmi kanal ndërkombëtar i Afganistanit, intervistoi zëdhënësin e talebanëve Mawlawi Abdullhaq Hemad më 17 gusht dhe e kritikoi atë për shqetësimet në lidhje me të drejtat e grave pas marrjes së Kabulit nga talebanët dhe rënies së qeverisë Ashraf Ghani.
Intervista u transmetua drejtpërdrejt në kanal dhe bëri bujë pasi gazetarja ishte e vetmja grua afgane që intervistoi një nga luftëtarët talebanë.
Dy ditë më vonë, ajo gjithashtu intervistoi Malala Yousafzai, një aktiviste që i mbijetoi atentatit të talëbanëve, në atë që Tolo e përshkroi si intervista e parë dhe e vetme e Yousafzai me një media afgane.
Sidoqoftë, pas zhvillimeve të fundit, gazetarja 24-vjeçare tani është larguar nga vendi, siç raportohet nga CNN, sepse ajo mendonte se ishte e rrezikshme për të që të vazhdonte të jetonte në Afganistan. Thuhet se ajo fluturoi në Katar të martën me anëtarët e tjerë të familjes së saj.
“Unë u largova sepse, si miliona njerëz, kam frikë nga talebanët,” tha ajo për CNN. g.v/abcnews.al
