Juventusi fitoi 3-1 ndaj Atalantës mbrëmjen e kaluar. Dybala, Bernardeschi dhe Morata shënuan golat e fitores për bardhezinjtë në miqësoren e fundit përpara nisjes së sezonit të ri në Serie A. Trajneri i Juventusit, Max Allegri foli pas ndeshjes, ku ndër të tjera tha:
“Zhvilluam një paraqitje të mirë kundër Atalantës, ekip me të cilin është gjithmonë e vështirë të luash. Për të realizuar objektivat që kemi, ne kemi nevojë për disponueshmërinë dhe sakrificën e njëri-tjetrit, kjo e bën diferencën.
Skuadra ndodhet në formë të mirë, ky ishte një test pozitiv. Djemtë m’u përgjigjën mirë, tani duhet të punojmë një tjetër javë për të mbërritur në Udine në gjendje sa më të mirë. Udinese ka një ekip të fortë, do të jetë ndeshje e vështirë.
CR7? Bëri gjëra pozitive ndaj Atalantës, Po rritet, njësoj si të tjerët, u tregua i aftë në aksionin e golit dhe i menaxhoi mirë disa topa. Cristiano është një vlerë e shtuar për ne. Duhet të bëjmë gjithçka për t’u rikthyer të titulli“, theksoi trajneri. /abcnews.al
