Loading ...
Manchester United zyrtarizoi dje një nga blerjet më të mëdha të sezonit, për nga cilësia më shumë se nga ana monetare. Raphael Varane la Real Madrid dhe kaloi te “Djajtë e Kuq”.
Patrick Evra flet në lidhje me këtë lëvizje dhe ka elozhe për bashkëkombasin e tij, madje shprehet se Varane është nënshkrimi më i mirë i verës për klubin, duke lënë pas Jadon Sancho.
“Raphael Varane më kujton Rio Ferdinandin. Është i shkëlqyer me topin në këmbë, gjithashtu edhe në lojën në ajër. Ai është qendërmbrojtësi perfekt.
I qetë më topin nën kontroll dhe mund të shënojë edhe gola gjithashtu. Është një transferim i nivelit të lartë, më i miri për Manchester United”, u shpreh Evra. /abcnews.al
