Dalin pamje të tjera nga aksioni antidrogë i policisë pranë “Shkollës së Bashkuar” në Tiranë, ku efektivët ndaluan gazetarin Ergys Gjençaj, që po filmonte.
Në videon e publikuar nga “NEWS24” shihet momenti kur Forcat Operacionale gjejnë drogën e ndarë në pako, të vënë në kuti picash dhe të fshehur poshtë një makine. Në një tjetër video shihej momenti kur efektivët ndalin një makinë luksoze.
Policët e armatosur dhe të maskuar i kërkonin shoferit të hapte derën, por ai shtyp gazin e makinës dhe largohet me shpejtësi, duke rrezikuar jetën e uniformave blu. Nga aksioni mësohet se janë shoqëruar tre persona, ndërsa nuk dihet ende sasia e drogës së sekuestruar./ Abcnews.al
