El Confidencial vazhdon të zbulojë audio të presidentit të Real Madrid, Florentino Perez, që duket se ka pasur inat çdo njeri që ka punuar për të. Së fundmi flet për Vicente del Bosque, legjendën e Spanjës dhe të Real Madrid.
“Ai nuk është stërvitur asnjëherë në jetën e tij, as nuk di të stërvitet, as të drejtojë njerëzit, as nuk di taktika, as nuk ka njohuri mbi anën fizike të ekipit. Ai nuk di asgjë! Është budalla! (në kuptimin që mund të mashtrohet lehtë)”, shprehet Perez.
Tashmë mund të kuptojmë përse Perez e largoi Del Bosque pas 36 vitesh te Real Madrid. Më pas firmosi me Carlos Queiroz, i panjohur në atë kohë, i cili nuk pati sukses dhe nisi një kalvar i gjatë shkarkimesh e emërimesh të njëpasnjëshëm. /abcnews.al
