Finalja e EURO 2020 luhet sonte prej orës 21:00. Italia dhe Anglia do të bëjnë maksimumin të fitojnë, ndërkohë që para ndeshjes presidenti i UEFA, Aleksander Ceferin, ka ndarë me të gjithë një letër mbi atë që ka ndodhur dhe për finalen që pritet të luhet sonte.
“Nga rekordet e thyera të Cristiano Ronaldos në fazën e grupeve, te dramat e pamëshirshme në fazën e nokautit: EURO 2020 ka kënaqur dhe entuziazmuar nga fillimi e deri në fund.
Tani ka ardhur momenti i së vërtetës për të dyja ekipet që mezi presin të zbresin në fushën e stadiumit mitik ‘Wembley’. Pas sukseseve në gjysmëfinalet e tyre, ato janë përgatitur për këtë shfaqje duke e ditur që duhet të bëjnë edhe një përpjekje përfundimtare për të dalë fitimtarë dhe për të ngritur trofeun, që u sjell gëzim gjithë fansave të tyre dhe ndez festime kudo në vendet e tyre.
Lojtarët që do të zbresin në fushë në finalen e këtij Europiani janë në prag të lavdisë europiane dhe pavdekshmërisë në futboll. Fituesit do të shkruajnë emrat e tyre në një kapitull të ri në librat e historisë së futbollit europian dhe do të konsiderohen si heronj nga miliona tifozë që i përfshijnë të gjithë brezat.
Për lojtarët dhe trajnerin e ekipit fitues, do reflektohet një kënaqësi për punën e bërë, një shpërblim i përshtatshëm për përgatitjen dhe përkushtimin dhe punën e bërë drejt arritjes së qëllimit të përbashkët.
EURO 2020 na ka mbajtur të gjithëve të magjepsur gjatë katër javëve të fundit, me shumë nga lojtarët më të mirë të Europës që shkëlqejnë në këtë skenë të privilegjuar ndërkombëtare. Tashmë kemi momente të panumërta për të kujtuar dhe tifozët janë mahnitur nga ky turne.
Ne kemi festuar 60 vjetorin e garës kryesore në kontinent për kombëtare, në një mënyrë të përshtatshme dhe EURO ka provuar rëndësinë e futbollit të ekipeve kombëtare, si një burim i krenarisë dhe unitetit të futbollit kombëtar.
Tani të gjithë janë gati për aktin final, në atë që ka qenë një muaj magjepsës, i më të mirëve i Europianë. Paçin fat dy ekipet finaliste. U bashkohem fansave, që shpresojnë që të dyja ekipet do të japin një ndeshje të bukur për të gjitha moshat. Shijoni finalen dhe ndoshta ekipi më i mirë do të fitojë”. /abcnews.al
