Në kërkim ndërkombëtar për trafikim narkotikësh, ndalohet në Morinë 41-vjeçar

Policia në Kukës ka ndaluar një 41-vjeçar i cili ishte në kërkim ndërkombëtar për trafikim të narkotikëve. 41-vjeçari Imrush Junuzi, banues në Gjilan u vu në pranga me qëllim ekstradimin drejt Bullgarisë.

Gjatë përpunimit dhe verifikimit të të dhënave në sistem, Junuzi ka rezultuar person në kërkim ndërkombëtar, pasi Gjykata e Kiystendil Bullgari e ka dënuar me 17 vite e 6 muaj burg, për veprën penale “Trafikimi i narkotikëve”, parashikuar nga legjislacioni penal i Bullgarisë. sb /abcnews.al/