Gareth Bale vazhdon të jetë çështje te Real Madrid. Uellsiani ishte i huazuar te Tottenham sezonin e shkuar dhe pas Europianin do kthehet në Madrid. Në lidhje me Bale ka folur presidenti madrilen, Florentino Perez, që kujton gjithë golat e rëndësishëm të shënuar nga Bale.
31-vjeçari ka kontratë deri në fund të sezonit të ardhshëm me Real Madrid dhe Perez shpreh dëshirën për ta mbajtur si pjesë të ekipit. Bale dhe trajneri Ancelotti kanë marrëdhënie të mirë së bashku.
“Bale është lojtar i shkëlqyer, kujtoj të gjitha finalet që ai arriti t’i vendoste për ne. Une e shikoj atë si një nga më të mirët në Europë. Të gjithë janë ata që janë, kanë personalitetin e tyre. Gjëja e fundit që mbaj mend është roveshata e tij në Kiev.
Pastaj shënoi sërish. Më pas shënoi me kokë në Lisbonë. Gjithashtu vrapimi i tij i shpejtë me golat ndaj Barcelonës dhe Valencias në Copa del Rey. A do qëndrojë? Unë i dua të gjithë lojtarët e mi”, tha Perez. /abcnews.al
