Lideri suprem i Iranit Ayatollah Ali Khamenei ka marrë të premten dozën e parë të vaksinës së prodhuar në vend për koronavirusin. Lajmi u bë i ditur nga ekipi i tij në mediat sociale ndërsa vendi përballet me shpërthimin më vdekjeprurës të koronavirusit në Lindjen e Mesme.
Në llogarinë e liderit 81-vjeçar në Twitter u publikua një video në të cilën ai shfaqet duke marrë dozën e parë të vaksinës që është zhvilluar nga shkencëtarë të rinj iranianë. Ai mban një maskë vënë dhe shfaqet i ulur në një karrige ndërsa dy mjekë i qëndrojnë pranë ndërsa i injektohet vaksina.
Të njëjtat pamje u publikuan nga televizioni shtetëror, ndërsa raportohej se Khamenei “ka marrë një dozë të vetme të vaksinës COVIran Barekat, të zhvilluar nga një fondacion i fuqishëm shtetëror i njohur si Setad.” /abcnews.al/
