Ermir Hoxhaj është një nga figurat e reja që ka spikatur tek “Kosherja” në ABC. Aktori ishte i ftuar këtë të enjte në emisionin “Abc-ja e mëngjesit” ku foli për eksperiencën në spektaklin e humorit dhe për personazhet që ka interpretuar, mes tyre Endri Xhafon, Erion Kriston dhe Agron Shehajn.
“Mendoj se Kosherja erdhi në një moment, kur jam në përfundim të shkollës dhe me televizionin isha mësuar. Erdhi në një moment fiks, është një program me shumë të rinj dhe kjo është gjëja më plus, ka talente shumë të mira. Ky sezon mendoj se ka qenë i suksesshëm, kam patur një larmishmëri karakteresh.“, tha aktori.
Duke u ndalur tek imitimi i Agron Shehaj, aktori zbuloi se kishte lidhje gjaku me të. “Agron Shehaj është një figurë që e simpatizoj por ishte e vështirë. Diskutoja se kam qejf ta çoj në audicion Agronin dhe pastaj erdhi fushata e PD dhe u bë personazh i momentit. Kam ndenjur gjithë natën duke e dëgjuar në çdo intervistë por më e bukura është se kam dhe një lidhje familjare.“, tha Ermiri. /abcnews.al
