Kampionati Europian ka mbërritur në fazën e emocioneve dhe kohën kur vendosen fatet e skuadrave. Dje u vulos gjithçka në grupin A, ndërsa sot stafetën e merr grupi C, ku ndodhet Holanda dhe grupin B të Belgjikës.
“Tulipanët” sfidojnë Maqedoninë në 18:00 në shtëpi, ku do jetë ndeshja e fundit e Maqedonisë në këtë kompeticion dhe e fundit në karrierë me kombëtaren për Goran Pandev. Ndeshja tjetër është ajo mes Austrisë dhe Ukrainës, ku vendoset për vendin e dytë.
Në orën 21:00 Belgjika sfidon Finlandën në San Petersburg të Rusisë. Belgët janë kualifikuar, ndërsa Finlandës i duhet rezultat pozitiv për të kapur minimumi 4 pikë. Në ndeshjen tjetër Rusia sfidon Danimarkën në të njëjtën orë. /abcnews.al
