Carlo Ancelotti ka një kërkesë në lidhje me merkaton. Trajneri italian u rikthye te Real Madrid, ekip që do e drejtojë për herë të dytë në karrierën e tij.
Fichajes raporton se Don Carlo i ka kërkuar presidentit Florentino Perez t’i sjellë në skuadër Timo Werner, sulmuesin e Chelsea.
25-vjeçari gjerman u transferua verën e vitit të kaluar nga Leipzig te “Blutë e Londrës” për shumën e 53 milion euro. Përshtatja në Premier League nuk ishte e thjeshtë.
Werner ka hasur vështirësi, por në fazën e dytë të sezonit ngriti nivelin e tij të lojës dhe ia doli të fitojë Champions League me skuadrën londineze.
Ancelotti i pëlqen shumë karakteristikat e lojtarit të kombëtares gjermane dhe te Reali po përgatisin ofertën e parë në drejtim të tij dhe Chelsea. /abcnews.al
