Vjosa Osmani i kërkon kryetares së KQZ-së dorëheqjen

Presidentja e Kosovës, Vjosa Osmani i ka kërkuar kryetares së Komisionit Qendror të Zgjedhjeve, Valdete Daka të japë dorëheqjen.

Kjo kërkesë për dorëheqje është bërë nga Osmani gjatë takimit të zhvilluar ditën e sotme në Presidencë.

Burime për Express bëjnë me dije se Daka e ka refuzuar kërkesën për dorëheqje, me arsyetimin se i ka përmbushur detyrat e saj në përputhje me Kushtetutën e Kosovës.

Ndërkohë ky është mandati i dytë i Valdete Dakës në krye të KQZ-së./abcnews.al/