Kandidati për kryetar të Partisë Demokratike Fatbardh Kadilli, ka votuar ditën e sotme në selinë blu, ndërsa është në garë për postin e kreut të PD-së.
Lexo edhe: Voton Lulzim Basha: Me vlerat e demokracisë do ta çojmë betejën deri në fund
Kadilli i bëri thirrje demokratëve që të marrin pjesë në zgjedhje, ndërsa u shpreh se procesi i vërtetë është frymë me të cilin do të dalin demokratët.
“Është një moment shumë i rëndësishëm për PD dhe anëtarët e sak. I ftoj të gjithë të marrin pjesë në votim sepse sot tregojmë që e duam këtë parti dhe duam që të ringrihet. Gara u mbyll siç u nis, e pabarabartë, por jam i lumtur që ndeza shkëndijën e parë të garë. Ky është kontributi im i parë dhe në vazhdim manifesti politik për ringritjen e PD-së do të jetësohet dita ditës për ta bërë këtë parti, të pasur, ta hapur bashkuese dhe fituese”, ka thënë Kadilli në një prononcim për mediat.
Më herët ka votuar edhe kreu i PD-së, Lulzim Basha, ndërsa theksoi se Partia Demokratike do të rrëzojë regjimin Rama-Doshi, me vlerat e demokracisë.
Kujtojmë se qendrat e votimit janë hapur në orën 08:00 dhe procesi do të përfundojë në orën 19:00. Ndërkohë në të gjithë vendin janë 76 qendra votimi dhe 75 mijë votues./i.k/abcnews.al/
