Aktorja shumë e dashur nga publiku, Marjana Kondi është surprizuar mbrëmjen e sotme nga kolegu dhe miku i saj, Erand Sojli, i cili jeton prej disa kohësh në SHBA.
Ai i ka dërguar një video-mesazh në emisionin “E ardhmja është vajzë”, ku ka shprehur të gjithë dashurinë dhe mezi pret që të vazhdojnë aventurat e tyre kinematografike.
“Marjan e dashur e di që të ka marrë malli dhe menduam të gjithë të bëjmë një surprizë me surratin tim. Me surratin tim që e di që të ka munguar, por edhe ti më ke munguar. Të uroj zemra ime të kehs një verë të këndshme, një verë pa maska, po pa maska fare, as lart as poshtë. Të dua shumë dhe të pres këtej të vazhdojmë aventurën tonë që do ta mësosh kur të rritesh. Të puth fort, të dua shumë, domethënë jo vetëm unë, por familjarisht”, tha Erandi.
Sakaq, ky i fundit i ka bërë një surprizë tjetër Marjanës duke i dërguar një video-mesazh nga regjisori i njohur Adonis Filipi, i cili po ashtu jeton në SHBA.
“Më falni për ndërprerjen Dona Marjana. Është kënaqësi e veçantë se si në këtë ditë të shënuar të përcjellë urimet më të mira me rastin e 100-vjetorit, që së bashku patëm fatin të prekim Teatrin e Londrës”, është shprehur Adonisi duke shkaktuar shumë emocione te aktorja. l.k/abcnews.al
