Largimi i Zidane, Kroos s’e beson: Nuk ka shanse, mua do ma kishte thënë

Zinedine Zidane pritet të largohet nga Real Madrid. “E ka mbyllur me këtë ekip”, është titulli që dominon në mediat spanjolle. Toni Kroos, i cili ka një lidhje të veçantë me trajnerin francez, nuk dëshiron ta besojë që do ndahet me të.

“Nëse Zidane ka vendosur të largohet nga Real Madrid, ai do të ma kishte treguar mua. Ne kemi një raport të bukur me njëri-tjetrin. E sigurt që do të ma kishte thënë se ka zgjedhur të largohet, kështu që nuk mund ta konfirmoj largimin e tij.

Nuk ia kam idenë se si do përfundojë kjo histori. Di të them vetëm kaq: ka qenë kënaqësi dhe zbavitëse puna me Zidane“, deklaroi mesfushori gjerman i “Los Blancos”. /abcnews.al