Protestat në Glasgow kanë dhënë rezultat, pasi dy burra të arrestuar nga Zyra Imigracionit në Mbretërinë e Bashkuar janë lënë të lirë pas protestave. Policia e Skocisë ndërhyri për të liruar burrat pas një konflikti të tensionuar midis zyrtarëve të emigracionit dhe qindra banorëve, të cilët rrethuan fugonin e tyre në një rrugë në jug të Glasgow për të ndaluar arrestimin e tyre.
Një turmë prej rreth 200 protestues rrethuan automjetin, duke mos lejuar që të largohej dhe duke brohoritur “këta janë fqinjët tanë, lërini të lirë”, madje një protestues u shtri sipër fugonit për të mos lejuar që të largohej.
“Jam shumë i emocionuar nga solidariteti i Glasgow për refugjatët dhe azilkërkuesit,” tha Roza Salih. “Kjo është një fitore për komunitetin.”
Salih, e cila ka qenë në protestë që nga mëngjesi, është një refugjate Kurde dhe bashkë-themeluese e fushatës Glasgow Girls në 2005 për të parandaluar dëbimin e një shoku të shkollës dhe për të luftuar kundër sulmeve ndaj refugjatëve, raporton abcnews.al
Menjëherë pas orës 17:00, Policia e Skocisë lëshoi një deklaratë, duke thënë kishte vendosur të lironte burrat “për të mbrojtur sigurinë, shëndetin publik dhe mirëqenien e atyre që ishin të përfshirë në protesta”.
Politikanët shprehën solidaritetin e tyre me banorët në mediat sociale. Pas lirimit të burrave, Nicola Sturgeon shkroi në Twitter: “Unë jam krenare që përfaqësoj një zonë elektorale dhe drejtoj një vend që mirëpret dhe tregon mbështetje për azilkërkuesit dhe refugjatët.”
As constituency MSP, I am deeply concerned by this action by the Home Office, especially today in the heart of a community celebrating Eid. My office is making urgent enquiries and stands ready to offer any necessary assistance to those detained https://t.co/jkdhDBvX31
— Nicola Sturgeon (@NicolaSturgeon) May 13, 2021
Ajo shtoi se policia kishte qenë “në një pozitë të vështirë – pasi ata nuk ndihmojnë në largimin e azilkërkuesve, por kanë për detyrë të mbrojnë sigurinë publike. Ata veprojnë të pavarur nga ministrat, por unë e mbështes këtë vendim. ”
Duke dënuar veprimet e Zyrës së Emigracionit, Sturgeon shtoi: “Të veprosh në këtë mënyrë, në zemër të një komuniteti mysliman ndërsa festonin Bajramin, dhe në një zonë që ka përjetuar një shpërthim të Covid ishte një rrezik për shëndetin dhe sigurinë.
Wafa Shaheen, nga Këshilli Skocez për Refugjatët, tha për The Guardian: “Të detyrojmë largimin e njerëzve nga shtëpitë e tyre ditën e Bajramit tregon një mungesë serioze të kulturës.
“Pavarësisht nga statusi i imigracionit, kjo qasje e ashpër nga Ministria e Brendshme është e panevojshme, frikshme dhe joproporcionale./abcnews.al
