Sergio Busquets i trembi të gjithë në minutën e 25-të ndaj Atletico Madrid, kur u dëmtua në kokë gjatë një përplasje me Stefan Savic.
Mesfushori u kthye në lojë dhe luajti deri në fund të pjesës së parë, për të lënë më pas lojën dhe shkuar mënjëherë në spital për ekzaminime.
Mjekët zbuluan se Busquets ka mavijosje në fytyrë dhe ka pësuar një frakturë në nofull, që pritej ta mbante jashtë fushave për ndeshjen e nesërme ndaj Levante.
Fatmirësisht gjithçka është përmirësuar shpejt dhe Busquets e ka kaluar dëmtimin. Koeman shpalli listën anti-Levante sot dhe Busquets ishte në listë. /abcnews.al
