Një minibus është përfshirë nga flakët pasditen e sotme në autostradën Kavajë-Lushnje. Për pasojë është djegur totalisht mjeti, ndërsa nuk raportohet për të lënduar por vetëm dëme materiale.
Shkak dyshohet të jetë bërë një defekt teknik. Policia njofton se forcat zjarrfikëse kanë mbërritur në vendngjarje dhe po punojnë për shuarjen e flakëve
“Në Kavajë, dyshohet se si pasojë e një defekti teknik ka marrë flak në lëvizje mjeti minibus me drejtues shtetasin L. D., ku ka vetëm dëme materiale.
Shërbimet e zjarrfikëses ndodhen në vendngjarje dhe bënë të mundur fikjen e zjarrit. Vijon puna nga Grupi Hetimor për sqarimin e plotë e rrethanave të ngjarjes”, njofton policia./mv.abcnews.al
