Një palë atlete të Kanye West janë shitur për një shifër rekord prej 1.8 milion dollarësh. Nike Air Yeezy thyen rekordin e mëparshëm nga një palë Nike Air Jordan 1 që u shitën për 615 000 dollarë vitin e kaluar.
Këto atlete janë të parat gjithashtu që shënojnë vlerën e më shumë se 1 milion dollarëve, tha shtëpia e ankandëve Sotheby. West i veshi këpucët për herë të parë gjatë interpretimit në Grammy në 2008.
Çmimi tejkaloi vlerësimin fillestar të Sotheby prej 1 milion dollarësh. Air Yeezy 1 më pas u lançua në një seri të kufizuar në 2009, e ndjekur nga Air Yeezy 2 në 2012. Por një vit më pas, West i dha fund partneritetit me Nike dhe tha që pjesa e të ardhurave nga këpucët ishte e pamjaftueshme. /abcnews.al
