Kandidati i Partisë Demokratike, Ervin Salianji ka zhvilluar një takim me me shoqatën e ish-të përndjekurve politikë në Korçë.
Salianji shprehet se PD zotohet që të përmbyllë çdo detyrim financiar ndaj ish-të përndjekurve..
“Kënaqësi e veçantë të bisedoja me përfaqësues të nderuar të kësaj shtrese dhe me drejtuesit e shoqatës Nebil Cika, Vasillaq Grabocka, Etem Fejzollari! Për të rikuperuar gabimet e së shkuarës por edhe për t’i dhënë vlersimin që meritojnë, Partia Demokratike zotohet: Të përmbyllë çdo detyrim financiar ndaj ish-të përndjekurve. Të japë kredi të buta për pasardhësit e ish-të përndjekurve. Të përcaktojë me ligj një shpërblim financiar ekstra pagesës së pensionit çdo muaj për ish-të përndjekurit. Të ndalojë me ligj përdorimin e simboleve të komunizmit. Të miratojmë ligjin për pastrimin e figurës, të jepen 100 Euro shtese për pensionet e të burgosurve politikë.
Bashkë do të ngremë muzeun në kujtim të viktimave të komunizmit! Mirënjohje për mbështetjen dhe rrugëtimin bashkë për të rrëzuar këtë regjim,” shpehet Salianji. g.v/abcnews.al
