Sergio Ramos është prej vitesh një nga mbrojtësit më të fortë në botë. Kapiteni i Real Madrid ndodhet në vitin e fundit të kontratës me kampionët e Spanjës dhe e ardhmja e tij është e paqartë.
Gjatë karrierës fantastike që ka zhvilluar, 35-vjeçari ka fituar 26 trofe deri tani, por nuk është ngopur dhe zbulon objektivat e radhës në prononcimin për dokumentarin që Amazon po përgatit për të.
“Kam fituar shumë trofe gjatë karrierës time. Tërheqjen nga futbolli e kam menduar, edhe mund të kishte ndodhur ta bëja ‘Game Over’… Por mentaliteti im nuk më ka braktisur.
Më kalon në mendje Champions League, dua ta fitojë për herë të pestë atë trofe. Më pas është edhe Botërori i Katarit pas një viti dhe Olimpiada e Tokios.
Do të tërhiqem kur të jetë momenti i duhur. Mendoj se e kam fituar të drejtën për të zgjedhur vetë momentin se kur duhet të var këpucët në gozhdë“, deklaroi Ramos. /abcnews.al
