Gjyqi kundër Benjamin Netanyahu, i akuzuar për korrupsion ka rinisur në Izrael, në të njëjtën kohë që kanë nisur dhe bisedimet për krijimin e një qeverie të re rreth dy javë pas zgjedhjeve, që për herë të katërt në dy vjet nuk rezultuan me një mazhorancë në parlament.
Vota e 23 marsit ishte më shumë një referendum për Netanyahu por nuk solli një vendim të qartë.
Kryeministri më jetëgjatë i Izraelit, i cili është akuzuar për korrupsion, mashtrim dhe shkelje të besimit e ka cilësuar këtë proces si një gjueti shtrigash nga ana e mediave armike dhe forcave të rendit.
Por prokurori nga ana tjetër e ka akuzuar kryeministrin se ka përdorur pushtetin e postit të tij për ambicie personale dhe sipas tij akuzat mbështeten në shumë prova, të drejtpërdrejta dhe rrethanore./abcnews.al
