Julian Nagelsmann është dëshira e madhe e Florentino Perez për stolin e Real Madrid. 33-vjeçari po bën mirë në stolin e Leipzig dhe presidenti i kampionëve të Spanjës e sheh si zëvendësuesin perfekt të Zinedine Zidane.
Francezi ka kontratë deri në verën e vitit 2022 me “Los Blancos”, por nuk përjashtohet largimi i tij në fund të sezonit. Franca dhe Juventusi janë dy opsione që e tundojnë Zidane.
AS raporton se Reali ka gati edhe planin B. Edhe pse Nagelsmann mbetet në “pole position”, alternativat janë dy nëse nuk arrihet akordi me trajnerin e talentuar gjerman.
Raul dhe Joachim Low janë në garë për pankinën e Real Madrid. I pari është një legjendë e klubit dhe e njeh ambientin në perfeksion, ndërsa i dyti del i lirë pas Euro 2021 dhe ka një eksperiencë të madhe. /abcnews.al
