Loading ...
Një grua, që dyshohet se ishte e armatosur me thikë është arrestuar afër rezidencës së reperit Drake në Toronto. Gruaja, emri i së cilës nuk është bërë me dije, dyshohet se u përball me sigurinë e reperit “Hotline Bling” jashtë portës së rezidencës.
Mediat e huaja shkruajnë duke cituar burime pranë policisë se ajo goditi me një tub metalik njërin prej rojeve. TMZ raporton se reperi kanadez ndodhej në banesën e tij në kohën e incidentit.
“Një grua e cila kishte një thikë është arrestuar. Ajo nuk ka mundur të hyjë në në pronë dhe nuk ka patur asnjë person të plagosur.“, ka thënë policia. Rezidenca, e quajtur ‘Ambasada’, u ndërtua në fund të vitit 2019 dhe vlen 100 milion dollarë. /abcnews.al
