Foto ilustruese
Një automjet tip furgon është djegur gjatë natës në oborrin e një banese në Vlorë si pasojë e një zjarri të rënë rreth orës 03:51.
Ngjarja ka ndodhur në lagjen “1 Maji” të Vlorës, ndërkohë që si pasojë e flakëve është dëmtuar edhe një automjet tip ”Pegeot”, i parkuar në afërsi të tij, i cili është në pronësi të shtetasit E. Gj., banues në Vlorë.
Policia po punon për zbardhjen e plotë të rrethanave të ngjarjes dhe shkakut të rënies së zjarrit.
“Më datë 28.03.2021, rreth orës 03:51, në lagjen “1 Maji”, Vlorë, në oborrin e një banese, ka rënë zjarr dhe është djegur një mjet tip fugon, si pasojë e flakëve është dëmtuar pjesërisht dhe një automjet tip ”Pegeot”, i parkuar në afërsi të tij, në pronësi të shtetasit E. Gj., banues në Vlorë.
Grupi hetimor po punon për zbardhjen e rrethanave të ngjarjes dhe shkakut të rënies së zjarrit”, njofton policia./mv.abcnews.al
