Elseid Hysaj do të largohet nga Napoli në fund të sezonit. Anësori i djathtë ndodhet në vitin e fundit të kontratës dhe bisedimet në lidhje me rinovimin nuk sollën akordin e pritur. Agjenti i 27-vjeçarit, Mario Giuffredi ka folur rreth së ardhmes së lojtarit shqiptar në Radio Kiss Kiss.
Ka vetëm një mundësi që Hysaj të qëndrojë te Napoli, edhe pse vështirë që të ndodhë. Agjenti i tij po shqyrton ofertat e ardhura në drejtim të lojtarit shqiptar. “Nëse te Napoli do të vinte një trajner që luan me katër në mbrojtje, atëherë kjo do të ishte një gjë e mirë për Hysajn.
Megjithatë, unë mendoj se pas kaq një kohe kaq të gjatë që jemi marrë me rinovimin pa ia dalë të gjejmë një akord, është e drejtë që Elsi të ndryshojë ambient dhe të provojë një tjetër aventurë“, deklaroi agjenti i mbrojtësit shkodran. /abcnews.al
