Flokët luajnë një rol të rëndësishëm në jetën e shumë njerëzve. Por, fatkeqësisht, për shkak të faktorëve të ndryshëm, mund të keni probleme me flokët. Në vend që të mërziteni, duhet të merrni masa. Më poshtë abcneës.al do ju tregojë disa mënyra natyrale si t’i bëni flokët më të gjatë dhe më të shëndetshëm.
1. Ekstrakt çaji jeshil
Çaji jeshil ka efekt pozitiv në rritjen e flokëve tuaj. Një studim me minj tregoi se pirja e ekstraktit nga çaji jeshil rriti ndjeshëm rritjen e flokëve pas 6 muajsh. Nëse po planifikoni të rritni flokët, pirja e rregullt e çajit është zgjidhja.
2. Luleradhiqja
Luleradhiqja është një bimë që përmban minerale, vitamina dhe veti anti-inflamatore që luajnë një rol të rëndësishëm në rritjen e flokëve. Nëse doni flokë të shëndetshëm, ekziston një recetë që mund t’ju ndihmojë për këtë.
- Vendosni një qese çaji me rrënjë luleradhiqe në ujë të nxehtë për 10 minuta
- Zieni 2 lugë fara liri në ujë për 5 minuta
- Pas zierjes, hiqni farat e lirit nga uji dhe shtoni një lugë gjelle mjaltë. Lëreni të ftohet.
- Në një shishe, bashkoni çajin luleradhiqe, ujin e farës së lirit dhe një lugë gjelle lëng limoni.
- Tundeni mirë.
Pasi t’i keni larë dhe tharë flokët, hidhni këtë përzierje në lëkurën e kokës dhe lëreni të qëndrojë për 10 minuta, dhe më pas shpëlajeni, këshillon abcnews.al.
3. Aloe vera
Aloe vera është një tjetër bimë tradicionale mjaft e famshme për përfitimet që i jep trupit tonë. Aloe mund të largojë mbetjet nga produktet e tjera dhe vajrat e tepërta nga flokët tuaj. Është i butë dhe përmban vitamina që mund të ndikojnë në rritjen e flokëve dhe parandalimin e rënies së flokëve.
Mund të përgatisni edhe një krem hidratues për flokët aloe vera. Në një shishe, shtoni një filxhan ujë dhe gjysmë filxhan me lëng aloe vera. Shkundeni mirë dhe spërkateni në flokët tuaj përpara se t’i stiloni.
4. Vaj mente
Vaji i mentes është një barishte e shkëlqyer dhe ka një aromë të mirë. Një studim tregon se vaji i mentes mund të jetë gjithashtu një alternativë që ndihmon në rritjen e flokëve duke nxitur qarkullimin në lëkurën tuaj të kokës. Ajo që pak njerëz e dinë është se vaji i mentes duhet të hollohet në një vaj jojoba ose fara rrushi me cilësi të mirë. Raporti duhet të jetë 6 pika vaj menteje në një lugë çaji vaj jojoba. Përziejeni dhe më pas aplikojeni atë në rrënjë, sugjeron abcnews.al.
5. Vaj rozmarine
Rozmarina, përveç përdorimit të saj për gatim, gjithashtu ka një veti interesante për të nxitur rritjen e flokëve. Vaji i rozmarinës, kur krahasohet me trajtimin standard për rënien e flokëve, shfaqi të njëjtat rezultate pas 6 muajsh. Si një vaj esencial, 10 – 12 pika vaj rozmarine gjithashtu duhet të hollohen në shampon tuaj. Përdoreni atë çdo ditë për të arritur flokë të dendur dhe të shëndetshëm.
6. Lëng qepësh
Mund të tingëllojë e çuditshme, por në fakt është efektive për parandalimin e rënies së flokëve. Në një studim ku pjesëmarrësit përdorën lëng qepë të papërpunuar, u zbulua se flokët treguan një proces të ri-rritjes.
Për të bërë lëng qepësh, ndiqni këto udhëzime:
- Qëroni një qepë dhe priteni në copa të vogla.
- Duke përdorur një shtrydhëse frutash ose një blender, nxirrni lëngun prej tij. Përdorni një napë nëse është e nevojshme.
- Vendosni lëngun e qepës në skalpin tuaj të kokës.
Aplikimi i lëngut të qepës dy herë në ditë në flokët tuaj për rreth 6 javë mund t’ju japë rezultate fantastike, informon abcnews.al.
7. Vaj kokosi
Vaji i kokosit është një tjetër përbërës me funksione shumëpërdoruese. Nga gatimi në hidratues, vaji i kokosit është i shkëlqyer për flokët tuaj. Kur krahasohet me vajin mineral dhe vajin e lulediellit, vaji i kokosit ishte i vetmi që zvogëloi dëmtimin e flokëve nëse përdoret si një produkt pastrimi para dhe pas larjes.
Mund të provoni të aplikoni vaj kokosi para se të lani flokët ose pasi t’i keni larë, si një mënyrë për t’i tharë ato. Nëse doni flokë të shëndetshëm, të gjatë, vaji i kokosit është një domosdoshmëri absolute!
8. Vaj livandoje
Vaji i livandos jo vetëm që është i shkëlqyer për krijimin e një ambienti qetësues, por gjithashtu performon shumë mirë kur aplikohet për rritjen e flokëve. Një studim tregoi se vaji i holluar i livandos, kur aplikohet në flokë një herë në ditë për rreth 4 javë, rezultoi në flokë më të trashë dhe një numër më të lartë të gjëndrave të flokëve. Ai gjithmonë duhet të hollohet në një vaj tjetër bartës të tillë si jojoba, apo edhe shampon tuaj, dhe pastaj të aplikohet në rrënjët e flokëve./e.b-abcnews.al
