Eintrach Frankfurt po kalon një sezon të mirë në kampionatin gjerman dhe gjasat janë që ata të marrin pjesë sezonin e ardhshëm në Champions League. Përpos sukseseve në fushën e lojës, në klub priten disa ndryshime gjatë verës.
Drejtori sportiv i gjermanëve, Fredi Bobic, me shumë mundësi do të largohet nga detyra e tij pas përfundimit të këtij sezoni. 49-vjeçari e ka marrë këtë pozicion që në vitin 2016, por mesa duket tashmë kërkon një aventurë tjetër.
Sipas raportmit të “Bild”, Frankfurti e ka gati zëvendësuesin e tij. Bëhet fjalë për legjendën e Bayern Munchen, Bastian Schweinsteiger. Kampioni i Botës me Gjermaninë është aktualisht i papunë dhe ndoshta angazhimi me futbollin mund ta tundojë që të rikthehet sërish aktiv. Ende nuk ka një ofertë zyrtare ndaj 36-vjeçarit, por më shumë do të mësojmë gjatë verës në momentin kur të largohet Bobic. /abcnews.al
