Kryeministri Edi Rama do të garojë i teti në qarkun e Durrësit dhe Vlorës. Lajmi bëhet me dije për ABC nga burime për gazetaren Esiona Konomi ndërkohë që në selinë rozë vijojnë kalkulimet e fundit para zyrtarizimit të listës me 140 kandidatë.
Mbledhja në seli ka mbaruar pak minuta më parë ndërkohë që është larguar edhe kryeministri Edi Rama. Emrat do të lexohen nga sekretari i Përgjithshëm i Partisë Socialiste Taulant Balla.
Pandeli Majko ka refuzuar vendin e 19-të në qarkun e Tiranës, ku e vendosi Edi Rama. ABC mëson se Majko ka qenë i pakënaqur dhe pas debatit në Kryesinë e PS-së nuk e ka pranuar vendimin. /mv.abcnews.al
