Këtë të mërkurë Maqedonia e Veriut do të nisë dhe vaksinimin e personave të parë . Fushata e vaksinimit nis në orën 10:00 në spitalin modular në Shkup.
Vaksinimi në spitalin modular do të ketë 6 pozicione, të cilat do të punojnë në dy turne nga ora 08 deri në 20:00, ndërkohë që vaksinimin do ta kryejnë ekipet mjekësore nga Shtëpia e Shëndetit-Shkup.
Sipas ministrit të shëndetësisë, Venko Filipçe me fillimin e vaksinimit kundër Covid-19, fillon faza e fundit në luftën me pandeminë.
Ndërkohë është parashikuar që këtë të mërkurë të vaksinohen 260 punonjës shëndetësorë, nga 4000 doza vaksina që janë marrë nga Serbia.
Secili punonjës shëndetësorë që do të pranoj vaksinën, menjëherë do ti rezervohet edhe doza e dytë për rivaksinim./abcnews.al
