Kreu i Aleancës për Ardhmërinë e Kosovës, Ramush Haradinaj, ka dhënë një deklaratë për mediat media pas mbylljes së procesit të votimit dhe fillimit të numërimit të votave nga KQZ-ja.
Haradinaj ka thënë se ka një mospërputhje në rezultatet e Exit-poll-eve që janë publikuar, ndërsa thotë që AAK është tek 10 përqindëshi.
“Mirë është që të presim rezultatin, që të gjithë të ndihen të respektuar në këtë proces. U pa që exit poll-et kanë një shpërputhje. Ne jemi tek 10 %”, ka thënë Haradinaj.
Më tej ai ka thënë se partia e tij s’ka vija të kuqe për asnjë parti, as për Lëvizjen Vetëvendosje.
“Skemi vija të kuqe as për Vetëvendosjen e as për ndonjë subjekt politik”, ka thënë Haradinaj
