Një fenomen i pazakontë ka ndodhur në Kazakistan, ku është formuar një “vullkan i akullt”.
Mediat e huaja bëjnë me dije se gjatë verës ky është një rajon që mbulohet nga gjelbërimi, ndërsa në dimër për shkak të borës dhe temperaturave të ulëta, është shfaqur një fenomen i pazakontë natyror.
Ndër të tjera theksohet se, efekti i shpërthimit ndodh për shkak të ujit artezian nën tokë, kur temperaturat arrijnë nën zero. Lartësia e një “statuje” e tillë natyrore mund të arrijë deri në 14 metra.
Ky është një rajon shumë pranë kryeqytetit të Kazakistanit.
Të gjithë vrapojnë atje për t’u fotografuar me “vullkanin e akullt” derisa nuk fillon shkrirja e akullit. E agjencitë turistike organizojnë udhëtime të veçanta deri në këtë destinacion. /abcnews.al
