Ish-ylli i kombëtares se Uruguait dhe Atletico Madrid, Diego Forlan së fundmi është rikthyer të flasë për gjendjen e futbollit europian dhe është ndalur te lojtarët në fund të kontratave të tyre.
Sipas ish-sulmuesit, do të ishte turp për Real Madrid nëse Ramos kalon në një tjetër klub në verë. Gjithashtu ai shprehet se Barça bëri gabim të madh që largoi Luis Suarez në verë.
“Real duhet të rinovojë me Ramos. Do të ishte turp që një lojtar i një niveli të tillë dhe referencë për klubin të shkojë diku tjetër. Ai bën diferencën. Real nuk duhet të bëjë gabimin që bëri Barcelona me Luis Suarez.
Në fund asnjë lojtar nuk është më i rëndësishëm se vetë klubi, por është e rëndësishme të kesh në kuadër lojtarë si Ramos, Ronaldo apo Messi. Dikush duhet të pyesë pse u mor vendimi i largimit të Suarez.
Edhe dikush që nuk merr vesh nga futbolli e di se Suarez është ende në majë dhe ishte logjike se do bënte mirë të Atletico Madrid. Bën diferencën”, u shpreh Forlan. /abcnews.al
