Shkencëtarët në Britaninë e madhe dyshojnë se në vend ëshët shfaqur një mutacion tjetër i virusit. Ky version i ri thuhet të jetë gjetur në 11 mostra pozitive nga 8 rajone të Britanisë.
Shkencëtarët janë jashtëzakonisht të shqetësuar – pasi mutacioni i ri ka karakteristikat e “mutacionit të Afrikës së Jugut” ndërsa nuk dihet ende nëse mund të trajtohet nga vaksinat ekzistuese.
Asnjë nga 11 të identifikuarit me mutacionin e ri nuk kanë histori udhëtimi të kohëve të fundit, dhe në fakt, thuhet po ashtu që ata nuk kanë pasur kontakt as me persona që kanë udhëtuar për në Afrikën e Jugut.
Kjo i bën autoritetet të vlerësojnë se 11 mostrat janë vetëm “maja e ajsbergut” dhe të druhen se rastet e mutacionit të ri mund të jenë tashmë në qindra.
Autoritetet britanike po nisin një operacion gjigant për të gjurmuar raste të reja në zonat ku është zbuluar mutacioni. Ndërkohë, banorëve po u bëhet thirrje që ta “mendojnë dy herë” përpara se të dalin nga shtëpia, qoftë edhe për të marrë ushqim. s.b/abcnews.al/
