Janë publikuar pamjet e para të filmit shumë të pëlqyer të Netflixit, “To All the Boys: Always and Forever”. Me regji të Michael Fimognarit, filmi i ardhshëm amerikan i zhanrit komedi dhe romancë, i rikthen në rolet kryesore aktorët, Lana Condor dhe Noah Centineo.
Filmi bazohet në romanet e autores Jenny Han, dhe vjen pas dy filmave të parë dhe mjaft të suksesshëm në arkat filmike, “To All the Boys I’ve Loved Before” dhe “To All the Boys: P.S. I Still Love You”.
Ai e vazhdon historinë e filmit dhe i sjell dy personazhet kryesore, Lara dhe Peter, duke e planifikuar të ardhmen e tyre së bashku. Ata planifikojnë që të dy të regjistrohen në universitetin “Stanford” dhe ta ndjekin kolegjin si çift. Por çifti shumë i dashur për publikun përballet me disa pengesa të mëdha.
“To All the Boys: Always and Forever” do të fillojë të shfaqet në platformën Netflix nga 12 shkurti i këtij viti, në kohë për Ditën e të Dashuruarve./abcnews.al
