Milani zyrtarizoi ditën e djeshme afrimin e Mario Mandzukic me një kontratë deri në fund të sezonit, me opsionin e rinovimit edhe për të ardhshmin. Pas prezantimit me numrin 9 (deri tani i mallkuar për të gjithë sulmuesit pas Inzaghit), Mandzukic ka folur gjatë pët zgjedhjen e Milanit dhe dëshirën për të bërë mirë në “San Siro”.
“Pse zgjodha Milanin? Ka disa arsye. Njëra është sepse Milani është një klub historik dhe plotëson plotësisht ambiciet e mia. Ne të gjithë e dimë se çfarë përfaqëson Milani. Kohët e fundit kam punuar shumë për të merituar thirrjen e një klubi të rëndësishëm si Milani.
Unë jam gjithmonë i gatshëm dhe në periudhën e fundit jam stërvitur shumë. Ata që janë pranë meje e dinë se sa i përkushtuar jam që të kthehem të luaj në një klub të shkëlqyeshëm dhe të luftoj për trofe. Kështu që te Milani nuk duhet të shqetësohen.
Kjaer? Unë jam i lumtur që Simon është këtu. Unë e njoh atë nga Ëolfsburg, kemi arritur atje së bashku. Kemi kaluar mirë, ai është një djalë i mirë dhe unë jam i lumtur që e kam përsëri shok ekipi. Me paraqitjet e tij ai provoi të ishte një shtyllë e mbrojtjes së ekipit të Milanit.
Rebic? Unë jam i lumtur që ai është gjithashtu te Milani. I telefonova dy ditë më parë, një telefonatë të shpejtë. I thashë se do të bashkohesha me Milanin. Ibra? Zlatan e kam ndjekur që kur isha shumë i ri. Jam i lumtur që luaj në të njëjtën skuadër. Të dy jemi të uritur për fitore. Ai është ende një kafshë e vërtetë, dhe unë do të përpiqem të jem i njëjti. Mendoj se do të bëjmë shumë mirë së bashku.
Një klub si Milani gjithmonë ka qëllime dhe ambicie të mëdha. Unë jam mësuar me këto presione dhe kjo nuk më shkakton probleme, prandaj ne luajmë futboll. Tani jam këtu dhe do të jap gjithçka për të mirën e Milanit. Milani është një klub i veçantë. Thjesht thuaj Milan dhe të gjithë e dinë se për çfarë po flasim. Historia e Milanit është e pabesueshme, kampionë të mëdhenj luanin atje.
gjithë bota është e hipnotizuar nga Milani: mezi pres të filloj. Unë gjithmonë u kam thënë të njëjtën gjë tifozëve: do të jap më të mirën time. Unë do të përpiqem të mbroj ngjyrat e Milanit në çdo ndeshje. Unë mund t’ju siguroj 100%”, përfundoi Mandzukic. /abcnews.al
