Victor Font, një nga kandidatët për president te Barcelona, ka folur në lidhje me të ardhmen e Lionel Messit te katalanasit. Në intervistën e thënë ai duket optimist se argjentinasi nuk do të largohet nëse fitojnë zgjedhje dhe e arsyeton këtë me projektin që kanë.
“Messi e ka shpjeguar dhe teorikisht ai dëshiron të qëndrojë këtu dhe ta përfundojë karrierën te Barcelona. Para verës, kur ai ishte shumë i mërzitur, ai e ka thënë gjithmonë që kushti më i rëndësishëm për të është të ketë një projekt fitues dhe konkurrues.
Ne kemi një projekt fitues dhe konkurrues me njerëz si Xavi. Lidhja mes Xavi dhe Messi ekziston dhe besoj se është një nga arsyet kryesore që garanton se Messi do të ndihet mirë me projektin tonë dhe do të ketë më shumë mundësi të qëndrojë te Barcelona.
Unë nuk e di se çfarë flasin Messi e Xavi, por e di që ata mbajnë kontakte për shkak të raportit që kanë. Nuk di detaje të atyre që ata flasin”, është shprehur Font në intervistën e dhënë për “Mundo Deportivo”. /abcnews.al
