Sulmuesi i Arsenalit, Gabriel Martinelli është thjesht i pafat. Braziliani i cili ishte parashikuar si titullar në sfidën e djeshme të “Topçinjve” ndaj Newcastle, në ndeshjen e vlefshme për FA Cup, u zëvendësua para se ajo të fillonte.
19-vjeçari u dëmtua gjatë pjesës së nxehmjes, pasi pësoi një tërheqje muskulore në këmbë. Ishte e pamundur për të që të luante dhe trajneri Arteta u detyrua që në vend të tij të aktivizonte Reiss Nelson.
Gabriel Martinelli has injured himself in pre match warm up.
Nelson comes in. pic.twitter.com/7GoDAfYYua
— DailyAFC (@DailyAFC) January 9, 2021
Martinelli pati një sezon të shkëlqyer vitin e kaluar, ku arriti të shënonte dhe 10 gola, por në muajin mars fatkeqësisht u dëmtua në sfidën kundër Portsmouth. Sulmuesi qëndroi jashtë fushave për një kohë të gjatë dhe u rikthye në fushë vetëm muajin e kaluar, por mesa duket do t’i duhet të kalojë një tjetër dëmtim jo të lehtë. /abcnews.al
