Mediat rozë në Britani bëjnë të ditur se çifti më i ri i familjes mbretërore Harry dhe Megan është në pritje të fëmijës së tyre të parë.
Familja Mbretërore Britanike do të shtohet së shpejti me një tjetër pasardhës. Princ Herri dhe Megan Markle janë në pritje të fëmijës së tyre të parë. Mediat rozë kanë publikuar foto të çiftit, ku duket barku i rumbullakosur i Dukeshës, edhe pse ka veshur fustan më të gjerë se zakonisht.
Pallati mbretëror gjithsesi nuk ka dhënë asnjë njoftim zyrtar mbi këtë lajm. Por burime të afërta pranë çiftit i thanë të përditshme britanike “Dailymail” se Megan dhe Harry shumë shpejt do të mbajnë në krahë foshnjën e tyre.
Djali I vogël i princeshës së ndjerë Diana, Harry u martua me aktoren amerikane Megan Markle pas një lidhje jo shumë të gjatë mes tyre.
Në ceremoninë martesore të zhvilluar në 19 maj të këtij viti, morën pjesë përfaqësues nga shumë familje mbretërore të botës. /abcnews.al
