Elon Musk është bërë personi më i pasur në botë, duke kaluar shefin e Amazonit, Jeff Bezos, falë rritjes së madhe që aksionet e “Teslas” kanë pasur së fundmi.
Sipas indeksit “Bloomberg”, pasuria e shefit të kompanisë së makinave elektrike ka arritur në 188 miliardë dollarë.
“Sa e çuditshme. T’i kthehemi punës”, ka shkruar Musk në Twitter.
Kompania e Muskut, “Tesla” arriti ditën e djeshme në vlerën totale prej 700 miliardë dollarësh. Kjo e bën atë kompaninë më të pasur në botë duke tejkaluar edhe “Toyotan”, “Volkswagenin” e të tjerat. l.k/abcnews.al
