Sergio Ramos është një nga yjet e shumtë, që mbyllin kontratat me klubet e tyre ne verën e ardhshme. Mbrojtësi tashmë është një nga më të mirët e Realit aktual dhe të historisë së klubit, por ende nuk ka arritur marrëveshjen për rinovimin e marrëveshjes.
Në këto kushte, Ramos ka të drejtë të negociojë me cilin klub të dëshirojë, diçka që e parashikon FIFA në rregulloren e transferimeve. PSG është një nga klubet, që mund të përballojë kërkesat e tij dhe mësohet se francezët kanë zhvilluar kontakte me mbrojtësin.
Emisioni i njohur sportiv në Spanjë, El Chiringuito zbulon se PSG i ka bërë një ofertë Ramos dhe i ka shpjeguar qartë projektin madhor, që ata kanë. Siç raportohet mësohet se Leonardo i ka thënë Ramos se skuadra e sezonit të ardhshëm do të jetë e përqendruar e gjitha te ai dhe Leo Messi, i cili gjithashtu raportohet të jetë në negociata me francezët.
Një mundësi e artë për Ramos, i cili Messin e ka shijuar gjithë këto vite si kundërshtar dhe tani mund të ketë mundësinë ta ketë në ekip dhe të bashkëpunojë një nga më të mirët e historisë. /abcnews.al
