Të gjithë lojtarët i ruhen ndëshkimeve me kartonë, por ka edhe raste kur e kërkojnë vetë një gjë të tillë. Kështu ka ndodhur me Dani Carvajal në fitoren 2-0 të Real Madrid ndaj Celta Vigo. Mbrojtësi i djathtë vonoi lojën gjatë zëvendësimit 6 minuta përpara fundit.
Veprimi i 28-vjeçarit detyroi arbitrin kryesor t’i tregonte kartonin e verdhë. Objektiv i arritur, Carvajal do të mungojë ndaj Osasunës dhe do të jetë gati për duelet e Superkupës. Lojtari spanjoll vendosi të shkarkonte kartonët dhe të mungojë në takimin e radhës në kampionat.
Reali luan duelin gjysmëfinal të Superkupës së Spanjës ndaj Athletic Bilbao (14 janar). Skema e tij është dalluar dhe Marca raporton se lojtari i kampionëve në fuqi rrezikon shumë. Një hetim pritet të hapet dhe Carvajal mund të pezullohet me dy ndeshje. /abcnews.al
