Loading ...
Ndërsa ky vit po mbyllet, dhurata e Beyonce-s për miqtë e saj i thotë të gjitha. Diva hollivudiane e dinte saktësisht se çfarë u duhej miqve të saj për Vitin e Ri, e cila vendosi t’u dhuronte një varëse ku shkruhet “2020”, modeluar në formën e gishtit të mesëm. Kushërira e këngëtares, Angela Beyince ndau në rrjete sociale dhuratën perfekte që mori nga ylli i muzikës.
“Është një dorë me gishtin e mesëm dhe viti 2020 i kombinuar në një. Kur e hapa u preka sepse është dhe gazmore dhe thellësisht sentimentale. 2020 ka patur ulje dhe ngritje, por mbi të gjitha ka qenë një vit me të vërtetë i çuditshëm. Shpresojmë që 2021 të jetë i mirë për botën.“, ka shkruar ajo.
Kujtojmë që Beyonce ndihmoi shumë njerëz që janë prekur nga kriza e pandemisë. Pak ditë më parë, fituesja e “Grammy-t” njoftoi se do të dhurojë 500 mijë dollarë për familjet e prekura. Përfitues do të jenë 100 persona që do të përzgjidhen në fund të muajit të parë të vitit që vjen.
Kjo nuk është përpjekja e parë e Beyonce për të ndihmuar personat e prekur nga pandemia.”BeyGOOD” është bashkuar me NAACP për të mbështetur bizneset e vogla në pronësi të personave me ngjyrë të prekur nga pandemia dhe deri më tani ka ndihmuar rreth 250 biznese me 10.000 dollarë grante. /abcnews.al
