Ndihmoni të tjerët në vend që të ndiheni keq për veten tuaj. Kjo është ftesa që u bëri Papa Françesku besimtarëve, sonte në Meshën e Vigjiljes së Krishtlindjes.
“Zoti lindi fëmijë, tha ai gjatë predikimit, “që të na shtyjë ne që të kujdesemi për të tjerët.”
Dashuria e tij e çarmatosur dhe çarmatosëse na kujton se koha që kemi nuk shërben për të qarë, por për të ngushëlluar lotët e atyre që vuajnë ”.
Mesha në Bazilikën e Shën Pjetrit, e mbajtur para më pak se 200 besimtarëve, u krye në përputhje me rregulloret anti-Covid, shkruajnë mediat italiane.
“Të uritur për sukses.. ne ushqehemi me ushqime që nuk ushqejnë. Çdo person i hedhur poshtë është një fëmijë i Zotit”, nënvizoi Papa, duke kërkuar që ta kthejmë vështrimin tek ata më në vështirësi.
“Zoti qëndron afër nesh, i varfër dhe nevojtar, për të na treguar se duke i shërbyer të varfërve ne do ta duam Atë. Ne duhet ta lëmë veten të na përshkojë nga dashuria e tij falas, nga dashuria e tij e palodhur, nga dashuria e tij konkrete.” s.b/abcnews.al/
