Eduart Rroca la Kukësin pas aventurës europiane dhe u bashkua me Istanbulspor në Turqi, ku është ambientuar shpejt dhe po bën shumë mirë.
Në ndeshjen e fundit ish-sulmuesi i Kukësit e Luftëtarit ishte i jashtëzakonshëm me dy golat dhe asistin e tij, megjithëse skuadra e tij nuk mundi ta ruajë avantazhin e tre golave dhe u barazua në minutat e fundit 3-3 nga Bursaspor.
Padyshim njeriu i ndeshjes Rroca për ekpin e tij, duke qenë protagonist te të tre golat dhe qenë një nga më të mirët gjatë gjithë ndeshjes. Pas paraqitjes së bërë ndaj Bursës, Rroca ka merituar një vend në formacionin më të mirë në Ligën e Parë turke.
Në 10 ndeshje në këtë sezon në ekipin nga kryeqyteti, sulmuesi nga Librazhdi ka mundur të gjejë 4 herë golin dhe të dhurojë 5 asiste, duke qenë një nga më të mirët e skuadrës së tij. /abcnews.al
