Barcelona ka si objektiv fitimin e Champions League dhe pengesa e parë në sfidat me eliminim direkt është PSG. Shorti vuri nënkampionët e edicionit të kaluar kundër katalanasve.
Sfida e parë do të luhet në “Camp Nou” me 16 shkurt, teksa dueli i kthimit pas dy javësh në kryeqytetin francez. Trajneri Roland Koeman analizoi shortin, ku ndër të tjera tha:
“Do të jenë dy ndeshje të ekuilibruara. E kishim të qartë që do të peshkonim një kundërshtar të vështirë dhe PSG është një nga ekipet më të forta.
Por unë mendoj se edhe ne jemi shumë të fortë. PSG ka shpenzuar shumë para për të fituar Champions League dhe sezonin e kaluar mbërritën deri në finale.
Ata janë një skuadër që duhet të jenë gjithmonë të pranishme në nivele të larta, njësoj si Barcelona ime“, deklaron trajneri holandez. /abcnews.al
