Prodhuesi britanik i makinave luksoze, Jaguar, do të shënojë 60-vjetorin e modelit legjendar E-Type vitin e ardhshëm me një model special të quajtur F-Type Heritage 60.
Gjithashtu, F-Type Heritage 60 do të prodhohet në seri të kufizuar në vetëm 60 njësi dhe do të jetë në dispozicon në dy versione, Coupe dhe kabrio.
Për realizimin e këtij modeli special, ekipi i Jaguar Land Rover SV Bespoke, ka zgjedhur ngjyrën e gjelbër, etiketat e veçanta, rrotat 20-inçësh “Diamond-Turned”, disa detaje nga kromi, enterier dy-ngyrësh, lëkurë “Windsor”, disa detaje nga alumini në enterier, si dhe logon “E-Type 60th Anniversary” në ulëset.
Sa i përket motorit, modeli special do të ketë motor 5.0-litër V8 me kapacitet prej 575 kuajfuqi, gjë që është e mjaftueshme që shpejtësinë nga 0 – 100 kilometra në orë ta arrijë për 3,5 sekonda ndërsa atë maksimale deri në 300 km/orë. Ndërsa sa i përket çmimit, ende nuk është zbuluar.
l.k/abcnews.al
