Një shtetas rus në Danimarkë është akuzuar për spiunazh për sigurimin e informacionit në lidhje me teknologjinë daneze të energjisë në Rusi, thanë të mërkurën autoritetet daneze.
Rusi, emri, mosha dhe gjinia e të cilit nuk janë publikuar, dyshohet të ketë siguruar “informacion në lidhje me teknologjinë daneze të energjisë për një shërbim inteligjence ruse”, kundrejt pagesës, tha prokuroria daneze në një deklaratë.
Ambasada ruse në Kopenhagë tha se i konsideroi veprimet nga prokurori danez “gabim” dhe bëri thirrje për paanësi në procesin e drejtësisë. Ambasada tha se shpresonte që bashkatdhetari i tyre të shpallej i pafajshëm në gjykatë dhe të lirohej.
Çështja është e lidhur me një hetim më të madh të kryer nga Shërbimi danez i Sigurisë dhe Inteligjencës.
Gjykata e rrethit e Aalborg do të merret me çështjen, por ende nuk ka caktuar një datë të procedurave, i tha shërbimi i prokurorisë Reuters, duke shtuar se rusi, i cili ka qenë në paraburgim që nga fillimi i korrikut, u përball me burgim dhe dëbim të mundshëm. g.v /abcnews.al
